trikaldarshan
काठमाडौं / नेपाली कांग्रेसका वरिष्ठ नेता तथा पूर्वसांसद मोहम्मद अफताब आलमको निधन भएको छ। उपचारका क्रममा शुक्रबार राति काठमाडौं मेडिकल कलेज (केएमसी)मा उनको निधन भएको पारिवारिक स्रोतले पुष्टि गरेको छ। उनको उमेर ६३ वर्ष थियो।
आलम नेपाली कांग्रेसभित्रका प्रभावशाली मुस्लिम नेतामध्ये एक हुन्। उनले विभिन्न समयमा पार्टीका जिम्मेवारी सम्हाल्दै प्रतिनिधि सभा सदस्य र मन्त्रीको रूपमा समेत कार्यभार वहन गरेका थिए। लामो समयदेखि मधेस–तराई क्षेत्रको सामाजिक, धार्मिक र राजनीतिक मुद्दामा सक्रिय रहेका उनले कांग्रेस संगठन सुदृढीकरणमा महत्वपूर्ण भूमिका खेलेका थिए।
आलमका परिवारजन, आफन्त तथा समर्थकहरूमा शोकको छायाँ छाएको छ। उनको पार्थिव शरीर शनिबार रौतहट लगिने र अन्त्येष्टि त्यहीँ गरिने बताइएको छ।
