trikaldarshan
काठमाडौं, श्रावण १३ / गुरु पूर्णिमाको पावन अवसरमा श्रीकृष्ण प्रणामी धर्माचार्य अनन्तश्री विभूषित जगतगुरु कृष्णमणिजी महाराजश्रीको दिव्य आशीर्वचनसहित विशेष आध्यात्मिक कार्यक्रम आयोजना हुने भएको छ।
श्रीकृष्ण प्रणामी सेवा समिति नेपाल, परमहंस पीठ केन्द्रीय धाम श्री नवतनधाम तथा श्री नवतनधाम व्यवस्थापन समितिको संयुक्त आयोजनामा २०८३ साल श्रावण १३ गते (गुरु पूर्णिमा) बिहान ८:०० बजे गोठाटारस्थित केन्द्रीय धाम श्री नवतनधाम, काठमाडौंमा कार्यक्रम सम्पन्न हुने आयोजकले जनाएको छ।
कार्यक्रममा धर्माचार्य अनन्तश्री विभूषित जगतगुरु कृष्णमणिजी महाराजश्रीबाट गुरु–शिष्य परम्पराको महत्व, सद्गुरुको महिमा तथा आध्यात्मिक जीवनका विविध पक्षबारे विशेष आशीर्वचन प्रदान गरिनेछ।
गुरु पूर्णिमा सनातन वैदिक परम्परामा गुरुप्रति श्रद्धा, कृतज्ञता र समर्पण व्यक्त गर्ने पवित्र पर्वका रूपमा मनाइन्छ। श्रीकृष्ण प्रणामी धर्ममा पनि सद्गुरुको महिमा आत्मज्ञान र परमधाम प्राप्तिको मूल आधार मानिने भएकाले यस पर्वलाई विशेष श्रद्धा र भक्तिभावका साथ मनाउने परम्परा रहेको छ।
आयोजक संस्थाले सम्पूर्ण धर्मावलम्बी, श्रद्धालु भक्तजन तथा शुभेच्छुकहरूलाई कार्यक्रममा उपस्थित भई गुरुको दिव्य आशीर्वचन ग्रहण गर्न हार्दिक अनुरोध गरेको छ।
