सन्तोष बजगाई
काभ्रेपलाञ्चोक श्रावण १० / श्रीकृष्ण प्रणामी सेवा समिति नेपाल, इकाई समिति बनेपाको आयोजनामा श्रीमदवितक चर्चा तथा श्रीकृष्ण कथा कार्यक्रम सञ्चालन हुने भएको छ।
आयोजकका अनुसार पं. शास्त्री श्री धनश्याम अधिकारीको मुखारविन्दबाट हुने उक्त कार्यक्रम २०८३ साल श्रावण १८ गतेदेखि भदौ १५ गतेसम्म (श्रीकृष्ण प्राकट्य महोत्सवसम्म) सञ्चालन हुनेछ।
कार्यक्रमअन्तर्गत दैनिक १२:३० बजेदेखि १:०० बजेसम्म सेवा–पूजा, १:०० बजेदेखि ३:०० बजेसम्म श्रीमदवितक चर्चा तथा श्रीकृष्ण कथा प्रवचन र ३:३० बजेदेखि प्रसाद वितरण गरिने जनाइएको छ।
कार्यक्रम श्रीकृष्ण प्रणामी मन्दिर, बनेपा–नयाँबस्ती मा आयोजना हुनेछ। आयोजकले सम्पूर्ण श्रद्धालु, भक्तजन, धर्मप्रेमी महानुभाव तथा सर्वसाधारणलाई कार्यक्रममा उपस्थित भई आध्यात्मिक ज्ञान र सत्सङ्गको लाभ लिन हार्दिक निमन्त्रणा गरेको छ।
उक्त कार्यक्रमको आयोजनामा श्रीकृष्ण प्रणामी सेवा समिति नेपाल, इकाई समिति बनेपा, श्रीकृष्ण प्रणामी युवा परिषद् नेपाल, प्रा.स., बनेपा तथा श्रीकृष्ण प्रणामी बाईजुराज महिला इकाई समिति, बनेपा को सहकार्य रहेको छ।
trikaldarshan
