trikaldarshan
काभ्रेपलान्चोक / पनौती, श्री कृष्ण प्रणामी युवा परिषद नेपाल काभ्रेपलान्चोकको आयोजनामा पनौती बसपार्कमा मिति २०८२ साल असोज ७ गतेका दिन “पशुबली निषेध सचेतना अभियान” सम्पन्न भयो।
धार्मिक अनुष्ठानका नाममा हुने पशु बलिदान जस्तो अमानवीय प्रथालाई अन्त्य गर्दै करुणा, दया र अहिंसाको सन्देश फैलाउने उद्देश्यले परिषद्ले अभियान सञ्चालन गरेको श्रीकृष्ण प्रणामी युवा परिषद नेपाल जिल्ला कार्यसमिति काभ्रेपलान्चोकका अध्यक्ष प्राणनाथ सापकोटा ले जनाए ।
कार्यक्रममा युवाहरूले प्लेकार्ड बोकेर जुलुस निकालेका थिए र स्थानीयलाई पशु हत्या रोक्न आह्वान गरेका थिए। श्रीकृष्ण प्रणामी युवा परिषद नेपाल का केन्द्रिय सदस्य श्री उद्धव प्रसाद तिमल्सिनाले धर्मको सार जीवप्रेममा रहेको भन्दै वैकल्पिक पूजापाठमार्फत आस्था प्रकट गर्न आग्रह गरे।
स्थानीय वासिन्दा, सामाजिक अभियन्ता तथा विभिन्न संघसंस्थाका प्रतिनिधिहरूको सहभागिता रहेको कार्यक्रममा आगामी दिनमा निरन्तर यस्ता सचेतनामूलक कार्यक्रम सञ्चालन गर्ने प्रतिबद्धता जनाए।
सन्तोष बजगाई
