काठमाडौँ / प्रधानमन्त्री सुशीला कार्की आज साँझ राष्ट्रका नाममा विशेष सम्बोधन गर्ने भएकी छन्। प्रधानमन्त्रीको सचिवालयका अनुसार आज बेलुकी करिब ६ बजे हुने सम्बोधनमा हालको राजनीतिक अवस्था, आगामी प्रतिनिधिसभा निर्वाचन तयारी तथा सरकारका प्राथमिकता विषयमा धारणा राखिनेछ।

मन्त्रिपरिषद्को आजै बसेको बैठकपछि सम्बोधनको समय तय गरिएको हो। सरकारले हालै प्रतिनिधिसभा विघटन गर्दै फागुन २१ गते निर्वाचनको मिति घोषणा गरिसकेको छ। उक्त निर्णयसँगै राजनीतिक परिदृश्य र आगामी कदमबारे प्रधानमन्त्रीले प्रत्यक्षरूपमा देशबासीलाई जानकारी दिने अपेक्षा गरिएको छ।