ललितपुर, लामाटार / श्री कृष्ण प्रणामी युवा परिषद् नेपाल, ललितपुर लामाटार प्रासद्वारा आयोजना गरिएको लामाटार–लाकुरीभञ्ज्याङ पदयात्रा कार्यक्रम यस वर्ष पनि भव्य र उत्साहपूर्ण वातावरणमा सम्पन्न भएको छ।
प्राकृतिक सौन्दर्यले भरिपूर्ण लाकुरीभञ्ज्याङको मार्ग हुँदै सम्पन्न यस पदयात्रामा प्रणामी सुन्दरसाथ, विभिन्न समितिका पदाधिकारी, सदस्य तथा स्थानीय श्रद्धालु गरी ३०० भन्दा बढी सहभागीहरू उपस्थित थिए। सहभागीहरूले हर्ष–उल्लासका गीत, समूहगत नृत्य, रमाइला क्षण तथा लोकप्रिय टिकटक क्लिपहरू कैद गर्दै दुईतर्फी १३ किलोमिटरभन्दा बढीको यात्रा सहज र उत्साहपूर्वक पार गरेका थिए।
आत्मिक उर्जा, सामाजिक एकता र सेवा–समर्पणको भावना बोकेको यस पदयात्राले स्थानीयस्तरमा पर्यटन प्रवर्धन, युवाको सक्रियता र समुदायबीचको सहकार्यलाई थप सुदृढ बनाएको आयोजकहरूले बताएका छन्।
कार्यक्रममा सहभागीहरूले पदयात्रालाई आध्यात्मिक अनुभव, स्वस्थ जीवन र सामूहिक सद्भावको सुन्दर संयोजनका रुपमा अनुभूत गरेको बताएका छन्।
