भाइटीकाको शुभ साईत बिहान ११:३९ मा

काभ्रेपलान्चोक / यमपञ्चकको पाँचौं दिन आज २०८२ सालको भाइटीका पर्व देशभर हर्षोल्लासका साथ मनाइँदैछ। दिदीबहिनीले दाजुभाइको दीर्घायु, आरोग्य र समृद्धिको कामना गर्दै टीका–माला र मिठा भोजन अर्पण गर्ने परम्परा रहिआएको छ।

पञ्चाङ्ग अनुसार, यस वर्षको भाइटीकाको शुभ साईत बिहान ११ बजेर ३९ मिनेटमा परेको छ। यही समयमा टीका लगाउन अत्यन्तै शुभ मानिएको धर्मशास्त्रविद्हरू बताउँछन्।

सूर्य, चन्द्र र ग्रहहरूको अनुकूल योग रहने यो शुभ मुहूर्तमा टीका लगाउँदा आयु, आरोग्य र पारिवारिक सौहार्द बढ्ने विश्वास छ। यस अवसरमा देशभरका दिदीबहिनी र दाजुभाइबीच आत्मीयता, प्रेम र भाईचारा झन् प्रगाढ बन्ने परम्परा रहिआएको छ।